Ingen nye smitta – barnehagen opnar

Måndag 2. november melder Vindafjord kommune at den har kontroll på situasjonen etter fleire påviste smittetilfelle av covid-19 den siste veka. Dei aller fleste av svara frå prøvane knytt til Ølensjøen FUS barnehage ligg føre, og så lang er alle desse negative.

— Me ventar framleis på svar frå nokre av prøvane, og desse er venta i løpet av tysdag 3. november. Det er lagt opp til at barnehagen som har vore stengt, startar opp ordinær drift frå og med onsdag 4. november, opplyser kommunen.

Sidan starten av pandemien har Vindafjord hatt 34 smittetilfelle, elleve i første fase. Halvparten av covid-19-tilfella er knytt til utanlandske arbeidstakarar, der siste positive test kom i helga. Utanlandske arbeidstakarar vert testa ved ankomst til landet, og gjennomfører karantene i eigna lokale.