Samarbeidet var alt klart då Kjartan Innbjo (Bjoa bygdeliste) og Ole Johan Vierdal (Sp) kunne gratulere kvarandre med at koalisjonen hadde fleirtal etter at valresultatet var klart i 2011. I ei ny meiningsmåling er dagens ordførarfleirtal tapt.
Arkivfoto: Jon Edvardsen
Ingen garanti for nytt handtrykk
Senterpartiet forsvarar posisjonen sin i ei fersk meiningsmåling for Vindafjord. Men med styringspartnarane SV og Bjoa bygdeliste har ordførar Ole Johan Vierdal ein usikker posisjon.
I meiningsmålinga gjennomført av Norfakta på oppdrag frå Grannar, har Arbeidarpartiet og Høgre kapra Sosialistisk Venstreparti og Bjoa bygdeliste sine to mandat i kommunestyret. Dagens ordførarallianse vil med eit slikt resultat tape fleirtalet sitt.
Ordførarfleirtalet med 13 mot 12 representantar, vil i så fall bli snudd i favør av Ap, Høgre og Frp med samla 14 representantar mot 11 til ordførarkoalisjonen.
