Hamna ved Hydro Aluminiums anlegg på Karmøy. Her blir det produsert primæraluminium. Anlegget er eit av Europas største aluminiumsverk.
Foto: Ole Berg-Rusten / NTB / NPK
Industrien på Haugalandet søkjar saman for å redusere klimaglasutslepp
Ei rekkje industriaktørar på Haugalandet går no saman for å sørgje for sikker transport og lagring av CO2.
– Karbonfangst- og lagring er ei sikker og nødvendig løysing for avkarbonisering av industrien. No gjeld det å finne lokale løysingar, seier Olav Bådsvik, Equinor-direktør for Kårstø prosessanlegg, i ei pressemelding.
Fram til no har kvar enkelt aktør jobba med løysingar for å redusere utsleppet kvar for seg. Men no har Equinor, Eramet Norway, Glassco, Hydro, Sintef og Haugaland Næringspark gått saman for å kutte klimagassutslepp.
Samla slepp industriaktørane på Haugalandet ut over 1,6 millionar tonn CO2 årleg. Det svarar til over seks prosent av Noregs samla utslepp frå kvotepliktig sektor i 2021.
