Vegard Winterthun (t.v.)er utrykningsleiar og Arve Ribesen er tidlegare tillitsvalt i EBR, og er to av dei tilsette i Skånevik. DSB peikar på at bemanninga i Skånevik er spesielt kritisk.
Foto: Grethe Hopland Ravn
Brannberedskap
— Ikkje nok pengar til forsvarleg drift
Brannkonstabel Arve Ribesen og utrykkingsleiar Vegard Winterthun ved Skånevik brannstasjon, er djupt bekymra over bemanninga ved stasjonen. For lite pengar over heile fjøla er eit faktum.
Det er situasjonen ved brannstasjonen i Skånevik Arve Ribesen og Vegard Winterthun kjenner best på kroppen sidan det er her dei er stasjonerte, men den økonomiske situasjonen i Etne brann og redning (EBR) er djupt bekymringsfull i heile kommunen, i følgje dei to. Dei trur heller ikkje politikarane i Etne kommune har fått nok informasjon til å ta dei rette avgjerdene.
I verste fall kan det stå om liv, fordi dei er så dårleg bemanna at dei ikkje får gjort jobben om alarmen skulle gå i arbeidstida.
— Me er frykteleg sårbare, seier Arve Ribesen som er tillitsvalt for brannmannskapet i heile kommunen.
