Konstituert kommunalsjef Eileen P. Selland i Utvikling og drift i Etne kommune.
ARKIV/SVEIN-ERIK LARSEN
I mål med omorganisering
Etter eit intensivt halvår ønskjer konstituert kommunalsjef Eileen P. Selland i Utvikling og drift å informera om at omorganiseringa i sektoren no er i hamn. Endringa blir sett i verk frå og med 1. januar, med nytt sektornamn «Bygd og samfunn» og avduking av Teknisk bygg.
Dette opplyser Etne kommune på nettsida si.
Samarbeid mellom fagområde
Kommunen skriv at frå og
med 1. januar vil den tidlegare sektoren Utvikling og drift heita Bygd og
samfunn. Tidlegare Drift og vedlikehald blir til Bygg- og eigedomsdrift.
Prosjektleiarane på Utvikling dannar ny eining saman med veg og VA frå Drift og
vedlikehald, under namnet Investering og infrastruktur. Utvikling får
samstundes nye oppgåver, med næring tilført eininga.
