Når Margrete Skogen skal montera bunader er det like mykje handsaum som maskinsaum som må til for å ferdigstilla ein bunad.
Foto: Grethe Hopland Ravn
Ho har montert bunader i 46 år
Margrete Skogen (91) jobbar i djup konsentrasjon. Med vande fingrar går nål og tråd opp og ned gjennom stoffet på det som skal bli bunad nummer 251 i rekkja.
I djup konsentrasjon sit Margrete Skogen på arbeidsrommet, heime i huset sitt på Nordbø, midt mellom Ølmedal og Ropeid. Med sirlege sting syr ho sølvbandet på vesten til det som er i ferd med å bli ein nydeleg rogalandsbunad.
All brodering er ferdig, men broderinga er det andre som har tatt seg av. Skogen si oppgåve er å montera heile bunaden, slik at den vordrande konfirmanten er klar for den store dagen i mai.
