Hekling med stor tråd

Vindafjord Husflidlag, som har sitt tyngdepunkt i Sandeid, hadde fått tak i Kristina Ivanova frå Karmøy som instruktør til kurset i Gamlebanken Kafé. Med seg hadde Ivanova bilen full av hekletråd, veskemodellar, lunsj- og kaffimat og godt humør.

Teknikken heiter fastmaske, men det er tråden som gjer det heile spesielt. Det er ein tråd produsert i Ivanova sitt opphavlege heimland, Litauen, med ein spesiell avstiving som gjer den ideell for å hekla produkt som treng å halda på forma. 

Sjølvsagt må heklepinnen vera dimensjonert etter tjukkelse på tråden. Produktet dei fleste hekla var kontorvesker så store at dei kan romma ein PC eller ei A4-mappe.