Heidra for NM-suksess

Då ambassadørane for årets arrangement på Haugalandet blei heidra i Bystyresalen i Haugesund 26. november, var NMK Vikedal representert ved leiar i klubben Karina Nonslid og Amalie Rønnevik. Prisen blir delt ut av Visit Haugesund, som løftar fram arrangement som bidreg til vekst og aktivitet i regionen. Dei to fekk utmerkinga for gjennomføringa av NM i crosskart – eit arrangement som samla 109 deltakarar frå heile landet og Sverige, og rundt 600 publikummarar gjennom helga.

Frivilligkrafta bak NM

– Me set stor pris på å få prisen, og eigentleg berre det at dei har oppdaga NMK Vikedal. Men for meg er dette ein pris til heile klubben, seier Karina Nonslid, leiar i NMK Vikedal.