Haustfest i Bjoa 4H

LESAREN MELDER: Bjoa 4H sin haustfest er staden der ein kan få innsyn i kva ungdomen i bygdene driv med. I tillegg kjem det fram gjennom underhaldninga kva dei tenkjer om samtida. Slik blei det i år også. God Kveld Bjoa» var ramma for underhaldninga bygdefolket var invitert til denne søndagen 29. oktober.

Frå scena var det mange gode innslag. Det handla både om livet som avløysarar hjå Øystein Sandsgård og mødrene sine bok-klubbar. Vilje Sandvik leia programmet saman med Jonas Sandsgård. Begge var plakettmottakerar.

Tredje plakettvinnar var Viljar Skålnes Solheim få Ølen. 4H plaketten får ein etter 7 års medlemskap og tilsvarande mange løyste oppgåver. Oppgåvene blir viste som utstilling på haustfesten. 22 medlemmer hadde utstilling i år. Blant dei beste var Christoffer Heggebø Sandsgård si utstilling. Han hadde tatt jegerprøven og lukkast med jakta.