Einingsleiar Thomas Vestbø for areal og forvaltning i Vindafjord under eit folkemøte om planane på Dommersen.
ARKIVFOTO: SVEIN-ERIK LARSEN
Hardt ut mot nedlegging av båt
— Det er dårleg forvaltningsskikk å sende saka til uttale til aktuelle kommunar etter at ho har vore oppe til behandling i fagutvalet. Også av denne grunn ber Vindafjord kommune om at saka blir utsett slik at hovudutvalet for samferdsel og mobilitet har vurdert uttalane før dei kjem med innstilling til fylkesutvalet, skriv einingsleiar Thomas Vestbø for areal og forvaltning og rådgivar Anna Sofie Sandvik i Vindafjord kommune.
Uttalen blei signert 28. mars og sendt til Vestland fylkeskommune sitt hovudutval for samferdsel og mobilitet.
— Hindrar naudsynt kommunikasjon
I desember vedtok Rogaland fylkesting at snøggbåtsambandet mellom Bjoa, Ølen, Sunnhordland og Bergen skal leggjast ned i 2025. Vestland sitt kollektivselskap Skyss driv sambandet, men Rogaland har betalt for at båten skal stoppe i fylket.
Etter budsjettvedtaket i Rogaland vedtok Vestland sitt hovudutval for samferdsel og mobilitet 11. mars at båttilbodet i Ølen og Utbjoa skal opphøyre i sommar. Vestbø og Sandvik slår fast at Vindafjord kommune er sterkt imot dette.
