Har omtanke for bygda, men vil ha større skulemiljø
Ungdomsrådet i Vindafjord meiner skulemiljøet kan bli for lite og støttar forslaget om å avvikle skulane i Imsland og på Bjoa. Ungdommen er dermed på kollisjonskurs med det politiske fleirtalet som vil bevare skulane.
Eit samla ungdomsråd stiller seg bak kommunedirektøren sitt forslag om at det skal vere slutt på Bjoa og Imsland frå skulestart hausten 2023.
Hovudargumentet i debatten for medlemmene som går på vidaregåande skule, er at det blir eit betre miljø for elevane både sosialt og for læring å kome på ein større skule.
Dei meiner det blir ei forsvarleg reiserute dersom elevane skal ta bussen til Vikedal og Ølensvåg som ville blitt alternativet.
