Kosar seg på campingferie. F.v.: Kate Petterson, Rina Hesjedal, Daniel Hope (9), Jakob Eldi (9), Rune Petterson og Emil Petterson (8).
Foto: Øystein Silde Frønsdal
Har installert seg på campingen
Dei var på besøk, og likte seg godt. No nyt familien Petterson nysteikte lappar på eigen terrasse. Campinglivet yrar på Kyrping.
— Me var på besøk her, og så likte me oss så godt at me ville kjøpe plass sjølve, fortel Rune Petterson.
Saman med kona Kate Petterson, sonen Emil Petterson (8), Rina Hesjedal, Daniel Hope (9) og Jakob Eldi (9), har han funne seg godt til rette på Kyrping camping ved Åkrafjorden i Etne.
Lukta av nysteikte lappar ligg i lufta, og freistar dei forbipasserande. Sola jobbar seg gjennom skylaget, og temperaturen er såpass høg at dei tre yngste allereie har våga seg til eit bad frå flytebryggene.
