Hadde uflaks i NM

Beste resultat så langt er ein 4.plass i den første NM-runden på Finnskogbanen ved Flisa. Dette var ein bane der Aarekol tidlegare ikkje har hatt gode resultat, så han var nøgd med plasseringa.

— Eg var kjempefornøgd med tempo og resultat. Eg hadde ikkje venta å henge så godt med etter pausen frå crosskartkjøringa, og me hadde mykje reparasjonar mellom omgangane, så eg er fornøgd med alt i det løpet eigentleg, seier Aarekol.

Den andre NM-runden gjekk på Starmoen motorbane i Elverum, og vart historisk med heile 33 rundvelt. Aarekol gjorde det bra i innleiande rundar med fire heatsigrar, og hadde 2. spor i A-finalen. Han leia løpet heilt til siste sving, då ein asfaltkant øydela framhjulet og førte til at karten drog av banen og stoppa 50 meter frå mål.