13 jenter frå Vindafjord skal få hevda seg i jrNM i sandvolleyball. Bilete er frå 2021, då Bertine Skipevåg Tveit tok gull saman med makkar Melina Mol.
Arkivfoto: Privat
Gull og sølv i junior-NM i sandvolleyball
Det blei flust med medaljer til Vindafjord IL under junior-NM i sandvolleyball. 14 år gamle Tiril Våg Skjold fekk andreplass i klassen U15 og Bertine Skipevåg Tveit (15) spelte seg fram til ein førsteplass i klassen U17.
Til saman 277 lag frå heile Norge møtte vil junior-NM i sandvolleyball i Oslo sist veke. Frå Vindafjord IL stilte 11 utøvarar, og to av desse kunne reisa heim med dei gjævaste medaljane rundt halsen.
— Det var veldig kjekt å vinna, seier 15 år gamle Bertine Skipevåg Tveit frå Vikedal som sikra seg gull i klassen U17.
Ho spelte saman med Melina Mol frå Bergen, og saman klarte dei å utkonkurrera alle motstandarane.
