Fredrik Græsvik og Zahid Ali kjem til Skakke for å gi publikum ei oppleving som ikkje berre er ein gjennomgang av overskriftene, men ei reise inn i mekanismane bak dei store hendingane i verda. Pressefoto
Græsvik og Ali med dagsaktuell humor og analyse
Skakke blir kulturhus nummer ti som får besøk av Zahid Ali og Fredrik Græsvik sin dagsaktuelle analyse av verdssituasjonen. I tillegg til den faste podcasten Fredrik og Zahid løser ingenting», diskuterer dei verdshendingar med ein kombinasjon av journalistisk innsikt og humoristisk skråblikk.
På scenen vil Græsvik og Ali ta føre seg alt frå geopolitikk til verdskonfliktar, med hovudfokus på krigen i Ukraina og den internasjonale posisjoneringa rundt USA. Dei held seg tett på dei viktigaste nyheitssakene, men leverer det på sin eigen måte.
— Det treng ikkje å vera alvorleg berre fordi det er nyheiter, seier Zahid Ali.
