Huset er bygd i eit hjørne av ei av utmarkene til garden Østbø. Dei bur framleis i huset som med åra er blitt ein del av eit ganske tett bustadområde på Kvitareina.
Oline og Einar er med i tida, med kvar sin iPad på salongbordet. Dei tar likevel vare på ting både fysisk og i minnet. Eit døme på det er at den første heilt nye bilen dei kjøpte framleis står i garasjen 58 år etter.
Etter først å ha kjøpt ein brukt Volvo PV av Einar sin far, vart det i 1967 kjøpt ein raud Volvo Amazon hjå Laastad i Haugesund av bilseljar Sternhoff. Rett nok er det lenge sidan veteranbilen har vore hovudbilen i huset.
