Den digitale Sommarles-kampanjen har vore ein suksess i distriktet i år også, og held fram til utgongen av august. F.v.: Sivert Elias Aakre Stålesen, Olve Grindheim, bibliotekar Edna Haraldseid Trovanelli, Kristine Hustoft Sortland og Monica Sørheim.
FOTO: GRETHE HOPLAND RAVN
Gler seg til lesesommar
Dei fire fjerdeklassingane har alle vore med på den digitale lesekampanjen Sommarles før, og no gler dei seg til ny runde med lesing. Det gjer også barn frå rundt 300 andre kommunar i Noreg.
Godt plassert i lesekroken på biblioteket i Etne sit Sivert Elias Aakre Stålesen, Olve Grindheim, Kristine Hustoft Sortland og Monica Sørheim med kvar si favorittbok i hendene. Blant dei sit også Edna Haraldseid Trovanelli som jobbar i biblioteket, og med skulen som næraste nabo og elevar som nyttar seg av biblioteket hyppig, er ho på førenamn med dei fleste. No er det ikkje lenge til årets Sommarles startar opp, og dei fire fjerdeklassingane ser fram til å vera med på lesekampanjen.
— Å vera med på Sommarles er knallkjekt! I fjor las eg 63 bøker frå starten på juni til slutten på august, og eg synest det var veldig lærerikt. Aller best likar eg fantastibøker og spenningsbøker, og så likar eg å få premiar undervegs, for det får me, seier Monica Sørheim engasjert.
Magisk verd
