Glad for kommunal støtte

— Eg er glad for at kommunen ønskjer å støtta, seier dagleg leiar i Fikse næringsforening Stian Skarheim Magelssen etter at fleirtalet i Vindafjord kommunestyre gjekk inn for å støtta næringsforeininga med til saman 217.056 kroner for 2025 og 2026.

— Næringslivet er bærebjelke i kommunen og eg oppfattar at alle her i dag er opptatt av samarbeid, seier han.

Bakgrunnen for saka er ein søknad frå næringsforeininga om støtte. Under formannskapsmøtet i november fekk saka fleirtal med seks mot tre stemmer, og  under kommunestyremøtet enda det med fleirtal med 16 stemmer i favør næringsforeninga. Ni stemte mot.