Hamnesjef Geir Arne Hansen (t.v.) og leiar i Etne båtlag Jan Monsen har lagt ned stort arbeid i å få på plass både løyve og finansiering til oppgradering av stranda i småbåthamna i Etne. Nå er dei snart i mål.
Grethe Hopland Ravn
Gjennomslag for ny strand i båthamna
— Me har snakka om dette i fleire år. No kan me
endeleg setja planane ut i livet, seier Jan Monsen.
Leiaren i Etne båtlag har saman med hamnesjef Geir
Arne Hansen vore to sentrale pådrivarar for å få rusta opp stranda i
småbåthamna. Området blir brukt av både bygdefolk og båtgjester, men har lenge
hatt behov for eit løft.
I slutten av januar kom grønt lys frå
Statsforvaltaren i Vestland. Etter sedimentprøvar og høyringsrunde får båtlaget
klarsignal til å fjerna om lag 150 kubikkmeter blaute massar – evje – og leggja
ut ny skjelsand på stranda. Undersøkingane viser at massane held god
miljøtilstand, utan funn over klasse II.
