10 år gamle Kjell Rabben Kalstveit frå Skjold gjekk rekordmange toppturar i fjor.
Irene Mæland Haraldsen
Gjekk over 70 turar på eitt år
Nesten kvar einaste veke året rundt finn
han fram turskoa og set kursen mot ein fjelltopp. Det har han gjort sidan har
var om lag to år gamal, og i fjor gjekk han fleire turar enn nokon gong.
— I fjor gjekk eg 46 turar i
Skjold Turlag og 25 i Erslandskrinsen. Det blir 71 turar til saman, seier Kjell
Rabben Kalstveit og smiler nøgd.
Den turglade guten synes det er heilt topp
å ta seg ein tur ut i det fri, og aller helst likar han å gå toppturane som inngår
i turforslaga til Skjold Turlag og Erslandskrinsen i Skjold. Kvar topp blir
registrert i ei turbok og for å vera med i konkurransen om årets turist eller
beste turgåar er det viktig å gå så mange turar som mogleg.
