Gir tommelen opp til vegplanar

Dette kjem fram i eit brev signert fylkesmiljøvernsjef Cathrine Stabel Eltervåg og seniorrådgivar Ragnhild Askeland i Statsforvaltaren i Rogaland 18. desember. I si avsluttande oppsummering skriv dei:

«Revidert planforslag har løyst motsegnene frå Statsforvaltaren knytt til manglande konsekvensutgreiing (KU) og omsyn til natur- og vassdragsinteresser i planføresegnene. Når det gjeld handtering av forureina massar, er det også gjort eit arbeid i tråd med rettleiar og undersøkingar. Massehandteringsplanen har framleis forslag med lokalitetar som har høgt konfliktnivå ut frå dei interessene vi er sette til å ivareta etter plan- og bygningslova. Som nemnt ovanfor må lokalitetar avklarast etter plan- og bygningslova når dette er aktuelt. Føresegn knytt til sensitiv art må justerast i tråd med vårt forslag.

Med dette vurderer me at endringane er tilstrekkelege til at motsegna er løyst.»