Terje Kleiven har godt lag med geitekjea som seinare hamnar i restauranten hans som gourmetmat.
FOTO: NILS TOKHEIM
Geiter gir legen gode sommarminne
Terje Kleiven sitt første møte med geiter var somrane hjå mormora i Jostedalen i Luster i Sogn og Fjordane. Den allsidig engasjerte mannen er i sitt sekstiande år, og geiter er framleis sentralt i livet hans.
Når tema er laust og fast frå farne somrar, kjem Terje Kleiven tidleg inn på geiter. Han har i dag rundt 100 geiter av rasen kasjmir og boer, gåande rundt på eigen eigedom på Otertong i Skjold, samt 23 storfe av typane Dexter og Vestlandsk fjordfe.
Ikkje alle gardar har eigen restaurant, men kjøtet frå alle dyra til Kleiven kjem tilbake etter å ha blitt slakta hjå Fatland og skore hjå Kjell Vidar Øglænd i Ølen.
Kleiven fortel om sommarminne, om ein trygg og god i barndom i Øvre Årdal, men med litt helsemessige plager som ei industribygd klemd mellom høge fjell kan gi. Derfor var somrane i Jostedalen med mormor sine geiter viktige.
