Ein glad gjeng frå Vindafjord tok imot midlar frå Haugesund Sparebank sitt gavefond tysdag. Heile fire av ti organisasjonar som fekk støtte til sine prosjekt kom frå Vindafjord kommune. (f.v) Bente Haraldson Syre (adm. banksjef Haugesund Sparebank) held sjekken til Vindafjord IL som ikkje hadde høve til å møte, Åge Opheim frå Ølen Kulturhus, Johannes Hustveit og Karl Johan Gunnarsleite frå Skjold Arena og Nils Bakkedal frå Turgruppe Vikedal.
Foto: André Sæbø
Gåver kjem godt med
Til saman var det ti glade organisasjons- og prosjektleiarar som kunne dra heim til klubben sin med eit stort smil og ein sjekk i handa. Frå Vindafjord var det representantar frå Ølen Kulturhus, Skjold Arena, Turgruppa Vikedal og Vindafjord IL som fekk støtte til sine prosjekt.
– Dei som er valt ut til å motta gåver er valt ut basert på søknadar knytt til ulike prosjekt som famnar ein stor del av befolkninga på Haugalandet, og som omfattar konkrete tiltak for å skapa aktivitet for allmenta, seier administrerande direktør i Haugesund Sparebank, Bente Haraldson Syre.
Glad for støtten
