Gaupe i Skjold

På ein skitur mellom Isvik og Dalavik kom Håkon Dagsland og ein kamerat over eit nyleg drepe rådyr. Det vart funne mellom to fôringsstasjonar for hjort og rådyr. I følgje finnaren er det tydeleg at rovdyret har prøvt å dekke til rådyret. – Med dei spora var eg aldri i tvil om at det var ei gaupe. Det er første gongen dette er fastslått i Skjold, seier Håkon Dagsland. Ole Martin Eikeland frå Statens Naturoppsyn gjorde ein grundig jobb med å undersøkje rådyret og funn rundt byttet og konstaterte at det må vere gaupe som står bak.