Fullbooka på tre minutt

Interessa for Etnecup held fram med å veksa. Søndag 4. januar opna påmeldinga til Etnecup 2026, og nesten før folk rakk å setta kaffien på bordet, var cupen full. Leiar Bjørnar Aastvedt peikar på kvalitet, dugnad og nærleik som dei viktigaste grunnane til den enorme pågangen.

Fullt på få minutt

— Fullbooka. Etter tre minutt hadde 145 lag meldt seg på, seier cupgeneral Bjørnar Aastvedt. Det var ikkje fullt i alle klassar med ein gong, men det blei raskt fylt opp også der. Ein viktig faktor i år er at nokre næringslokale som tidlegare har vore brukte til overnatting, ikkje lenger står til disposisjon fordi tinghuset er under oppussing. Det har påverka kapasiteten, men ikkje interessa.