Framleis usemje om prestegarden

Salet av prestegarden i Etne er framleis ei uoppgjort sak, for det har vore mykje fram og tilbake i prosessen. Bakgrunnen for det er at Opplysningsvesenets fond (OVF) som eig eigedommen ønskte å gjennomføra ei deling av eigedommen, slik at dei kunne selja bygningane, men halda på fiskerettane.

Nabo-protestar

Saka kom opp i forvaltningsutvalet i juni 2022, men kommunedirektøren tilrådde då å seie nei til frådeling, fordi prestegarden var regulert til landbruksføremål. KrF og Frp la fram eit fellesframlegg om å seie ja til OVF sin søknad sidan det ikkje blei drive tradisjonelt landbruk på garden, og fekk medhald frå politikarane for dette.