Dei siste sju dagane er det i snitt registrert 1.385 koronasmitta per dag.
Tilsvarande snitt for sju dagar sidan låg på 820, så trenden er stigande.
Onsdag var 83 koronapasientar innlagde på sjukehus. Det var seks færre enn dagen før. 24 av pasientane ligg på intensivavdeling, og blant dei er 13 på respirator. Det er to fleire på intensiv og to fleire på respirator enn dagen før, ifølgje Helsedirektoratets oversikt.
Ved midnatt natt til torsdag var det utført 7,1 million koronatestar her i landet sidan februar i fjor. I alt har 161.814 personar testa positivt.
Til no har 3.865.248 personar fått første dose av koronavaksinen, og 3.087.728 personar har fått andre dose.
Til saman er 822 koronasmitta personar døde i Noreg sidan mars 2020, viser førebelse tal. Om pasientane har døydd av eller med covid-19, er ikkje alltid mogleg å slå fast.
58,4 prosent av alle døde har fylt 80 år. I aldersgruppa under 50 år er det meldt om 18 dødsfall i Noreg.
Høge Oslo-tal
Det er registrert 548 nye koronasmitta i Oslo siste døgn. Det er 154 over snittet dei sju tidlegare dagane.
548 tilfelle er 132 færre enn tysdag, men 158 fleire enn same dag førre veke. Dei siste to vekene har det i snitt vorte registrert 288 smitta per dag.
Klart flest smitta dei siste 14 dagane er det i aldersgruppa 10–19 år, der det er registrert 1.965 smitta. Så følgjer gruppa 20–29 år, med 763.
Smittetala er høgast i bydelen Nordre Aker. Der ligg smittetrykket på 964 smitta per 100.000 innbyggjarar dei siste to vekene, og det vart det registrert 56 nye smitta i bydelen siste døgn.
Etter det følgjer bydelane Søndre Nordstrand (863) og Alna (859).
Bydelen Sagene har for tida dei lågaste smittetala. Der er smittetrykket på 448 smitta per 100.000 innbyggjarar dei siste to vekene, og det vart registrert 18 nye smitta i bydelen siste døgn.
Totalt er 44.226 Oslo-borgarar registrerte smitta sidan mars i fjor.
