Fotballforbundet avlyser all seriefotball i lågare divisjonar

Så er det avgjort, det blir ingen lokaloppgjer i 5. divisjon mellom klubbane i Grannar-distriktet og resten av landet. Fredag kom meldinga frå Norges fotballforbund om at sesongen som aldri kom i gang i vår, er avlyst. Serien er utsett til sesongen 2021.

Fotballpresident Terje Svendsen kom med denne utsegna på NFF si heimeside:

— Dette er ein trist dag for forbundsstyret, 18 fotballkrinsar og ikkje minst alle klubber og spelarar som er berørte og har hatt eit håp om seriespel i 2020. Norsk fotball har tatt smittevern på alvor frå dag éin og utvikla gode smittevernprotokollar for alle nivå i norsk fotball. Me har lukkast med mykje og fått opna opp for seriekamper i både toppfotballen og barne- og ungdomsfotballen. Gjennom dette har klubbane fått god erfaring med smittevern, og det er få eller ingen smittetilfelle som kan sporast tilbake til fotballaktivitet, seier Svendsen