Fortvilar over tilstand på friluftsområde

— Det går ikkje an å ha eit friluftsområde som ikkje kan brukast. Her burde mykje vore ordna, seier Oddvin Storebø og fortvilar over tilstanden på det elles så idylliske friluftsområdet like i sjøkanten på Sandvik.

Gras som ikkje blir slått, øydelagd grillutstyr, ein lite innbydande utedo med manglande reinhald og eit inngjerda friareal med ein port som vanskeleggjer tilgangen for rullestolbrukarar er nokre av postane Storebø meiner det bør ryddast opp i.

Etne kommune står som eigar av friluftsområdet, medan Friluftsrådet Vest står for drift.