Forbode å fyre opp bål frå no

Medan det i Nord-Noreg framleis er vinterleg med snø mange stader, er vegetasjonen i ferd med å tørke opp i Sør-Noreg.

– Akkurat no er det vegetasjonen i fjor som pregar landskapet i Oslo. Dette inneber tørr og svært brennbar vegetasjon som er lettenneleg, skriv Oslo kommune i ei pressemelding.

Då kan det ofte oppstå gras- og lyngbrannar i solhellingar langs T-banen og toglinjene på grunn av gneistar. Også i parkar og på strender kan eingongsgrillar setje fyr på tørr vegetasjon.