Har ein nok erfaring, rett sykkel og ikkje er så skvetten, kan ein flyga høgt opp i lufta om ein tar skikkeleg sats frå dei øvste humpane på den nye pumptrack-banen som opna i Etne laurdag. Eller BMX-bane, om du vil.
For sykkelinteresserte barn var det opning klokka 12.00 med ordførar Mette Heidi Ekrheim Bergsvåg. Ho hadde det ærefulle oppdraget med å klippa snora», som i dette tilfellet var ein sykkelkjetting, naturleg nok. Ho la vekt på viktigheita av også den uorganiserte aktiviteten, ikkje berre den organiserte.
— Det er så viktig å kunna samlast til slike uorganiserte aktivitetar også, og når denne nye banen i tillegg ligg så nært både skateparken og kunstgrasbanen, er det positivt, sa ho.
