Joker Vikedal er ein av butikkane der ein kan hente gratis sjølvtestar i Vindafjord kommune. Her er Svein Krokedal som nå har gitt drifta av butikken vidare til sonen John Olav ved eit tidlegare høve.
Arkivfoto: Grethe Hopland Ravn
Fleire vil ha varer rett på døra
Før koronaen kom leverte Svein Krokedal daglegvarer på døra til folk kvar fredag. Ved å senda inn bestilling og deretter få levert varene heim, er dette ein enkel og grei måte å få helgehandelen unna på. Etter at landet blei råka av pandemien, bestemte Krokedal seg for å utvida tilbodet.
— Me merka at folk ikkje var så lystne på å gå ut på butikken for å handla, derfor utvida me heimkøyringa av varer til å gjelda kvar dag, fortel 61-åringen som også er dagleg leiar i butikken.
Dette har, ifølgje Krokedal, fungert svært bra. Kundane sender enten e-post eller så ringer dei inn handlelista si, og betalar med Vipps eller i nettbanken. Så får kundane tilbod om å få varene køyrt heim, eller at dei hentar varene sjølv når dei er ferdigpakka. I løpet av ei veke køyrer Krokedal gjerne mellom ti og femten turar med varer, og han synest det er greitt å kunne gi kundane ei slik valmoglegheit.
