Arne Moe frå Etne brukar store deler av fritida på å hjelpa andre.
Foto: Irene Mæland Haraldsen
Finn glede i å hjelpa
I mange år har Arne Moe (66) bidratt med frivillig arbeid knytt til Etne frivilligsentralen og nesten kvar einaste dag stiller han opp for å gjera kvardagen trivelegare for andre.
Dei siste fem åra har Arne Moe stilt opp nesten dagleg for frivilligsentralen i Etne. Han har lagt ned imponerande mange frivillige timar til glede for små og store, og har gjennom sitt engasjement for sine medmenneske bidrege til ein betre kvardagen for mange. Sjølv finn han stor glede i å hjelpa.
— Eg ser gleda det gir andre. Det er stor glede for meg, seier Arne Moe og set stor pris på å få vera til nytte for andre.
Moe er født og oppvaksen i Odda og kom til Etne for rundt 8 år sidan. I dag er han pensjonert frå jobben på ferja mellom Utåker og Skånevik og brukar store deler av fritida på frivillig arbeid.
