Felles budsjettframlegg fekk fleirtal

I møte med utfordrande økonomiske rammer valde Arbeidarpartiet, Senterpartiet, Høgre og Kristeleg Folkeparti, også omtalt som budsjettkameratane» å presentere eit samla budsjettframlegg. Forslaget bygger på administrasjonen sitt opphavlege budsjett, men med justeringar som tar omsyn til lokale politiske prioriteringar. Mellom anna vart søskenmoderasjon i SFO vidareført som eit viktig tiltak for barnefamiliar. Varaordførar Andreas Grumheden fekk ordet først, og starta med å gratulera administrasjonen for godt arbeid med budsjettet.

— Etne kommune kjem betre ut av det enn mange andre kommunar. Me synest budsjettet er grundig gjennomarbeida, sjølv om handlingsrommet likevel er lite. Me har lågare gjeldsgrad og det gjer at me ikkje har behov for dei same drastiske reduksjonane som andre kommunar har, sa Grumheden til formannskapet.

Grumheden trekker fram at dei fire samarbeidspartia vil stryka kommunedirektør Filippo Ballarin sitt forslag om å spara inn 230.000 kroner i søskenmoderasjon i barnehage og SFO. Han opplyser at samarbeidspartia er stolte av dei gunstige vilkåra Etne kommune har når det kjem til slik moderasjon, og føreslår for formannskapet å legga denne potten inn igjen i budsjettet.