Felles budsjettforslag vann fram

Varaordførar Andreas Grumheden (Ap) heldt ei omfattande innleiing der han presenterte hovudlinjene i fleirtalsforslaget. Han la frå start av mykje vekt på at arbeidet har vore prega av godt samspel mellom partia i posisjonen, og at det ikkje har vore nødvendig å gjera store endringar i budsjettet som kommunedirektør Åsmund Andersen Sekse la fram.

— Arbeidet med budsjettet har vore godt og grundig. Det er ikkje store endringane i vårt forslag, og det vitnar om eit veldig godt arbeid frå heile organisasjonen i kommunen, sa han i møtet .

Grumheden roste både administrasjonen og dei ulike einingane i kommunen for måten dei har handtert både økonomiske utfordringar og politiske signal.