Politikarar, byråkratar og lobbyistar reiste med buss langs E134 frå Karmøy til Oslo. Etne-ordførar Siri Klokkerstuen (Ap) og kollega Ole Johan Vierdal (Sp) frå Vindafjord viste fram kva utfordringar ein har på E134 i deira kommunar.
FOTO: TORSTEIN TYSVÆR NYMOEN
Fekk oppleve utfordringane på E134
Allereie i Vindafjord oppstod det trafikale problem då politikarar og byråkratar var på E134-guiding.
Onsdag reiste mange av dei som på forskjellige nivå jobbar aktivt for å få på plass ein trygg heilårsveg på E134 frå Austlandet til Vestlandet på guida tur frå Karmøy til Oslo. Formålet med turen, som var i regi av det offentleg eide lobby-organet E134 Haukelivegen AS, var at alle skal få oppdatert og likt erfaringsgrunnlag om kva som er status per i dag.
Trafikale problem
Dei kom ikkje lenger enn til Opheim, på toppen av stigningane aust for Ølen, før det vart bom stopp for følgjet.
