Svein Fatland.
ARKIVFOTO: JON EDVARDSEN
Fatland har klart å unngå importsmitte med tilsette
Fatland Ølen AS er blant bedriftene med flest arbeidarar frå utlandet, men slakteriet har sleppt heilt unna det lumske viruset der 40 prosent av tilfella i Vindafjord er importsmitte. — Litt flaks også, meiner dagleg leiar Svein Fatland.
Før helga var det registrert 128 positive for covid-19 i kommunen sidan dei første kom i mars i fjor, ifølgje tal frå kommuneoverlegen i Vindafjord. Av dei er 50 såkalla importsmitte og 78 tilfelle er lokal smitte og via reise innanlands.
Hos Fatland Ølen går dei på tå hev og har strengt smittevern for å unngå å få personar med smitte inn i anlegget der rundt 400 har arbeidet sitt.
Før jul frakta dei utanlandske arbeidarane ut frå Haugesund med eit eige fly, og tilsvarande tilbake etter nyttår.
