Fatland har funne sine nye konsernsjef

Anders Hundseid (29) er mannen som skal leia landets største private slakteribedrift vidare. Han er etnebu og er mest kjent for sine prestasjonar på skytebanen.

Det er med glede og stoltheit at Anders Hundseid tar over stafettpinnen som konsernsjef etter Terje Wester (60), går det fram av meldinga Fatland-gruppa sjølv har lagt ut på si heimeside,.

— Eg er blitt godt kjent med bedrifta og dei ulike oppgåvene dei siste åra. Eg ser fram til å vidareføra det gode arbeidet som blir gjort i bedrifta som konsernsjef, seier 29-åringen.