Redningshelikopter av typen SAR Queen. Illustrasjonsfoto.
ARKIVFOTO: FORSVARET
Farevarsel om betydeleg snøskredfare mange stader
Det er varsla betydeleg snøskredfare mange stader frå natt til søndag. Snøskredvarselet er på nivå 3 og gjeld for seks regionar i Sør-Noreg.
Varselet omfattar Sunnmøre, Indre Fjordane, Jotunheimen, Indre Sogn, Voss og Hardanger. Det gjeld frå midnatt natt til søndag.
Også indre delar av Etne og Seljestad-området er omfatta av farevarselet.
– Det er aukande snøskredfare. Prognosane er usikre, men skredfaren kan lokalt auke til 3 som følgje av mykje nedbør, aukande vind og fersk fokksnø, skriv Noregs vassdrags- og energidirektorat (NVE) i varselet for Sunnmøre.
