Fann nasjonalskatt i privat samling

Per Rullestad er ellevte generasjon på garden Rullestad som han driv saman med kona Ingebjørg, aust i Etne kommune. Ekteparet har alltid hatt felles interesse i å ta vare på det gamle, og dei mange husa på garden rommar nok fleire skattar. Ein av dei er Petter Dass si samling av evangeliesongar frå 1700-talet, og denne salmeboka er svært sjeldan.

— At me hadde ein slik nasjonalskatt i samlinga vår var me ikkje klar over, men dette var sjølvsagt utruleg spennande, seier Ingebjørg Rullestad.

Salmeboka er mykje lik ei utgåve som i dag ligg i nasjonalbiblioteket i Oslo, og som blei trykt i 1774, men kanskje er boka enda eldre og kan ha tilhøyrt garden i 260 år. Det meiner i alle fall Solveig Sørheim, som oppdaga denne gøymde skatten i Peraståvo.» Dette er eit lite hus på garden som både har vore eldhus, bustadhus, skulestove og møtelokale. I dag er huset bevart slik det såg ut for hundre år sidan, og er fylt av både møblar, bruksgjenstandar og anna utstyr frå både eitt- og to århundre tilbake i tid.