I Rogaland er 1,7 prosent av dei sysselsette utan arbeid, medan arbeidsløysa i Vestland er hakket mindre – 1,6 prosent. Det er NAV som melder dette ved utgangen av juli.
Vindafjord og Etne kommune har endå lågare tal, og aller minst har Etne med 0,9 prosent arbeidsløyse. Det svarer til 18 personar heilt utan arbeid, mot 41 for eitt år sidan. Nabokommunen i Rogaland har 55 personar registrerte som heilt arbeidslause, som er 1,1 prosent av arbeidsstyrken. Talet på ledige personar er 34 færre enn for eitt år sidan.
