Geir Nonslid i Esso Skjold mista store delar av omsetninga av drivstoff då 134 vart flytta. No får han konkurranse av automatstasjonen Tanken som er på plass i Isvik. Dekk og lettare service er eit anna bein å stå på for bensinstasjonen.
Foto: Jon Edvardsen
Essoen blir utfordra
Geir Nonslid i Esso Skjold er spent på effekten av at Tanken har etablert seg i bygda. Etter at han mista europavegen rett forbi stasjonen, tapte han 60 prosent av omsetninga av drivstoff.
I dag er Geir Nonslid den einaste som arbeider på bensinstasjonen, og han har fleire bein å stå på for å skaffe seg ei inntekt.
— Ettermiddag er pakketid, då er det ein del som kjem innom, forklarer han.
Klokka har passert tre og eit tilsig av bilar som ikkje skal fylle drivstoff parkerer ved Essoen. Det pip i døra og Nonslid er klar til å gå frå bil til post og pakkar.
