Endra planar i Osvågen

I meir enn sju år har til saman 18 rettshavarar til naustplassar i Gjerdsvika, innerst i Osvågen, arbeidd for å få realisert nausta sine. Undervegs har det som var eit opphaveleg ønskje om å bygge 20 båtplassar, inkludert nokre dobbeltnaust med grunnflate på 80 kvadratmeter og ei høgde på ni meter, fått fleire skot for baugen.

Mellom anna har naboar til det planlagde naustprosjektet klaga på planane, då dei frykta for å miste både utsikt og ein ynda badeplass. Også Fylkesmannen stilte spørsmål ved storleiken. NVE var også skeptiske i høve til så store naust med omsyn til både flaum- og rasfare. Sidan har planen vorte vesentleg redusert, men i 2017 dukka det opp ei heilt ny og anna utfordring. Då vart det oppdaga førekomstar av den raudlista arten dvergålegras i vågen. Først rett utanfor området i reguleringsplanen, og seinare også innanfor tiltaksgrensene.

Halvvert høgde