Etne-bonde Lars Grønstad kunne endeleg skysse alle sauene sine opp på sommarbeite i Etne-fjella i førre veke. Beitelag-kollega Arne Grindheim (t.h.) hjalp til med transporten.
Vel 140 dyr skulle fraktast opp i fjella med dyretransport, for så å gjetast innover til beiteområda.
Endeleg kunne sauene bli frakta til fjells
Øystein Birkenes Øystein Birkenes
PublisertSist oppdatert
— Det har aldri vore så seint før, så lenge eg kan huske, nei, fastslår Etne-bonden, som driv gard på Grindheim og er leiar for Grindheim/Litledalen beitelag. Snøen innover i Etne-fjella i retning Sauda, der beitelaget har sine område, hadde i midten av førre veke endeleg minska nok til at det var fornuftig å sende sauene opp.
Ikkje opplevd liknande
Grønstad kan ikkje huske å ha opplevd eit så seint sommarbeite så lenge han har hatt med sauer å gjere. Noteringar som garden har heilt tilbake til 1940 fortel det same.
