Elisabeth og Trygve fekk frivilligheitspris

Prisen blei delt ut under nyttårsmottakinga i Nysæter kyrkje på Stord søndag ettermiddag.

Prosten i Sunnhordland, Arild Steinsland, fortel at prosessen med å kåra prisvinnaren startar med innspel frå sokneråda, før prostirådet avgjer kven som får prisen. Prostirådet har eitt medlem frå kvar kommune i Sunnhordland.

— Det er ein pris me deler ut årleg. I år var det to kjempegode kandidatar, Trygve og Elisabeth, som har drive med veldig mykje frivillig arbeid i kyrkja, seier Steinsland.