Ein stor skatt for bygda
Anna Sørheim Reiso (14) har sin første sommarjobb på Sæbøtunet. Her har ho mange fine minne frå barndommen og ho synest det er ein koseleg arbeidsstad.
Ein kort spasertur frå Etne sentrum ligg Sæbøtunet. Det gamle gardstunet er nok kjent for dei fleste i Grannar-distriktet, og Solveig Sørheim meiner det er ein plass som absolutt er verd å sjå.
— Alle husa er bygde her, så det er jo autentisk for korleis eit gardstun frå denne tida såg ut, fortel Sørheim då ho viser Grannar om på staden.
Mange kjenner etnebuen som komponist og organist. Tidlegare i år blei ho tilsett ved Sæbøtunet og fekk ansvar for å blant anna gjera staden meir tilgjengeleg. Dottera Anna Sørheim Reiso har fått sommarjobb på staden og trivest i historiske omgivnadar.
