Éin skule blir lagd ned kvar veke

Tal frå SSB viser at 725 grunnskolar har blitt lagde ned dei siste ti åra. I gjennomsnitt er det meir enn éin nedlagd skule i veka. Sunnfjord er ein av kommunane der spørsmålet om nedlegging har vore på sakslista.

— Dette har vore ei vanskeleg og til dels tung sak. Dette har vore nærast ei samvitssak for fleire representantar, sa ordførar Olve Grotle (H) i Sunnfjord kommune under kommunestyremøtet 28. januar, ifølgje NRK.

Resultatet av møtet i Sunnfjord, vart at to av skulane må leggast ned, medan Vevring skule, der sju elevar er fordelte på fire trinn i grunnskulen, får halde fram.

I ein analyse frå Utdanningsdirektoratet kjem det fram at skolenedleggingane først og fremst rammar små kommunar med mindre enn 5.000 innbyggarar, skriv NRK.