Ein person er frakta til sjukehus med helikopter etter å ha blitt tatt av eit snøskred ved Røldal skisenter laurdag ettermiddag. Det melder Sør-Vest politidistrikt i loggen sin.
Meldinga om snøskredet kom inn til politiet klokka 13.32. To personar skal ha vore ved området då skredet gjekk, og éin av dei blei tatt av snømassane.
Vedkomande blei raskt grave fram av skipatruljen og var medviten, skriv operasjonsleiar Tore-Andre Brakstad i Sør-Vest politidistrikt, i loggen.
