Noko av det Raisa Kovalenko (t.v.) set mest pris på i Norge, er det vakre landskapet på Øvernes. Det har også mykje å bety og vere i trygge omgjevnader med ein del av familien. Her saman med svigerson Nils Halleland og dotter Viktoriya Shulga Halleland.
FOTO: Anita Haugland
Ein opptur i alt det elendige
Sidan april i fjor har Raisa Kovalenko (74) budd under same tak som dottera, Viktoriya Shulga Halleland, og mannen hennar, Nils Halleland (69) i Etne. På grunn av krigssituasjonen i Ukraina har det vore best slik.
— Då krigen braut ut hadde eg problem med å sova skikkeleg om nettene fordi eg var bekymra for familie og venner. Etter at mamma kom til Etne, kjenner eg på ei stor ro, fortel Viktoriya Shulga Halleland.
Heilt optimal er situasjonen likevel ikkje, sidan dei framleis har familie og venner i det krigsherja heimlandet. Kvar dag startar og sluttar med nyheiter om krigen. Dei følgjer med på både norske og ukrainske informasjonskanalar.
