Ein av fem kallar seg personleg kristen

Nye tal frå Norsk Monitor viser at 21 prosent av befolkninga kallar seg personleg kristen». Det er like mange som det var i 1985.

– Det er tydeleg at nokre trendar er brotne. Nedgangen i andelen som seier at dei trur på Gud, har stoppa og kanskje gått noko opp, seier seniorkonsulent i Ipsos og ansvarleg for Norsk Monitor John Spilling til Vårt Land.

I 1985 var det 20 prosent som identifiserte seg som kristne, medan talet i 2023 var 21 prosent. I åra undersøkinga har vorte gjord, har talet vore 18 prosent på det lågaste og 26 på det høgaste, skriv avisa.

I den same undersøkinga seier 29 prosent at dei trur på Gud.